Cafodd Tom Price dipyn o sypréis yn ystod oedfa Sul y Pasg wrth i’r eglwys ddymuno’n dda iddo ar gyrraedd 50 mlynedd o wasanaeth fel diacon ar y Tabernacl, Porth-cawl. Yn ystod Pasg 1972 fe godwyd Tom fel diacon, yn ddyn ifanc (sydd yn dal i fod yn ifanc, sylwch).
Diolchwn iddo am flynyddoedd o wasanaeth ond am y blynyddoedd sydd i ddod hefyd wrth iddo barhau a’i swydd fel diacon. Ynghyd â chyfarchiad gan y gweinidog a’r cyn-weinidog Rosan Saunders fe gafwyd englyn arbennig gan John Elfed i nodi’r achlysur:
Un addfwyn, parod ei gymwynas, – un
Sy’n hynod fel plwyfwas,
Yn holl waith ‘Y Gymdeithas’
Hwn roddodd iddi urddas.
Dylan Rhys
