P1333781.jpg

Y Cyngor

Gwaith Y Cyngor

Mae'r Cyngor yn cyfarfod ddwy waith y flwyddyn yn Aberystwyth i drafod gwaith y Cyngor a'i adrannau.  

Aelodau’r Cyngor yw dau gynrychiolydd o bob Cyfundeb (cyfanswm o 30), swyddogion a staff yr Undeb (hyd at 10),  swyddogion y pedair Adran (hyd at 8) a rhai wedi’u hethol gan y Gynhadledd (hyd at 6).  Mae hyn yn golygu bod hyd at 55 o bobl yn gallu mynychu’r Cyngor.

P1377289.JPG
Cenhadaeth a'r Eglwys Fyd-Eang

Owain Davies

Owain Davies sy'n arwain yr adran Genhadaeth a’r Eglwys Fyd-Eang .  Mae'r adran yn gweithio â phartneriaid fel CWM (Cyngor y Genhadaeth Fyd-Eang) ynghyd â gwaith ecumenaidd yng Nghymru. 

P1377304.JPG
Yr Eglwysi a'u Gweinidogaeth

Owain Llŷr Evans

Mae Owain Llŷr Evans yn weinidog ar eglwys Minny Street yng Nghaerdydd ac yn arwain adran yr Eglwysi a’u Gweinidogaeth.  Mae eu gwaith yn cynnwys datblygu ac annog arweinwyr o fewn eglwysi, bugeilio, diogelu a gwaith y Cyngor Ysgolion Sul.

Euron Hughes.jpg
Tystiolaeth

Tystiolaeth

Yn rhinwedd ei waith fel Cadeirydd yr adran Dystiolaeth, mae Euron yn arwain trafodaethau am efengylu, yn ddigidol a wyneb yn wyneb, gan gynnwys cyfleuon ar Faes y Sioe Frenhinol a'r Eisteddfod Genedlaethol.

P1377294.JPG
Dinasyddiaeth Gristnogol

Robin Samuel

Ymhlith gorchwylion yr adran Dinasyddiaeth Gristnogol, mae Robin Samuel yn arwain trafodaethau ar waith yr Undeb a'i bartneriaid yn Madagascar, datblygu eglwysi 'Dementia-gyfeillgar', Cymorth Cristnogol a gweithgor 'Economi Bywyd a Newid Hinsawdd'.

Mae pob aelod yn perthyn i ddwy o’r Adrannau o fewn y Cyngor. Yr Adrannau yw: Cenhadaeth a’r Eglwys Fyd-Eang; Dinasyddiaeth Gristnogol; Eglwysi a’u Gweinidogaeth; Tystiolaeth Gristnogol.Y Pwyllgor Gweinyddol sy’n gyfrifol am gyllid yr Undeb, ac y mae pwyllgor arall yn gofalu am y buddsoddiadau.

Yr Adrannau

Bydd yr Adrannau yn trafod pynciau sy’n berthnasol i’w meysydd hwy ac, yn dilyn y trafodaethau, yn cyflwyno argymhellion i’r Cyngor llawn. Wedi hynny, bydd y Pwyllgor Gweinyddol a’r Cyfarfodydd Blynyddol yn derbyn adroddiadau o holl weithgareddau’r Cyngor a’i Adrannau.

Yn y Cyngor y digwydd y rhan fwyaf o’r trafodaethau manwl ar bynciau ysbrydol, cenhadol, cymdeithasol a bugeiliol yr Undeb.

Y Newyddion Diweddaraf

Derbyniwch y newyddion, fideos ac adnoddau diweddaraf.