Bwriad Y Ffordd yw helpu pobl i drafod themâu Cristnogol, er mwyn cryfhau eu ffydd a’u hyder, a’u galluogi i rannu’r Efengyl ac ymestyn allan i’w cymunedau.
Anogir pobl i gyfarfod â’i gilydd mewn grwpiau bychan i ddilyn Y Ffordd, gan mai felly y ceir blas ar yr hyn sydd yn y fideo. Dylid defnyddio’r clipau gyda’r deunyddiau print sydd hefyd wedi eu paratoi fel rhan o’r cynllun.
Mae cynllun Y Ffordd yn ymestyn dros bedair blynedd, gyda phedair rhan i bob blwyddyn.
Ffyrdd Trwy'r Beibl - Pennod 1 - 'Sut mae darllen a deall y Beibl?' Undeb yr Annibynwyr Cymraeg
Fideo gan Undeb yr Annibynwyr Cymraeg. Blwyddyn 1, rhan 2 "Y Beibl ym mywyd yr eglwys".
Y drydedd bennod o flwyddyn gyntaf cwrs Y Ffordd. Fideo gan Undeb yr Annibynwyr Cymraeg.
Y bedwaredd bennod o flwyddyn gyntaf Y Ffordd, gan Undeb yr Annibynwyr Cymraeg.
Dyma bennod gyntaf o ail flwyddyn cwrs Y Ffordd. Archwilio hanes yr Annibynwyr yw thema'r bennod hon, gan ddechrau yn y Diwygiad Protestannaidd 500 mlynedd yn ôl.
Fideo ynglŷn â chynllun Arweinyddion yr Annibynwyr a'r her o feithrin Arweinyddion yn ein heglwysi.
Mae'r bennod hon yn ymdrin â sut y dylem berthyn i'n gilydd fel Cristnogion, yn enwedig yng nghyd-destun yr Eglwys, y Cyfundeb, Yr Undeb ac enwadau eraill.
Y bennod olaf yn yr ail flwyddyn o gwrs y Ffordd. Mae'r bennod yn canolbwyntio ar un o themau canolog y ffydd sef Addoliad.
Pennod gyntaf y drydedd flwyddyn. Thema'r bennod yw Cenhadaeth, ac mae'n cynnwys trafodaeth ar beth yw cenhadaeth Gristnogol, a'r Pum Pwynt Cenhadol sef dweud, dysgu, tendio, trawsnewid, a thrysori.
Beth yw Efengylu? Sut mae efengylu yng Nghymru heddiw? Dyma rai o'r themau sy'n cael eu trafod yn y bennod hon.
Yn y bennod hon ceir trafodaeth ynglyn â phartneriaethau â'r Eglwys fyd-eang, a'r fendith i'r eglwys leol ac i Gristnogion. Dyma drydedd bennod o drydedd flwyddyn cwrs Y Ffordd.
Fideo yn archwilio'r berthynas rhwng Cymru a Madagascar ac yn trafod ei dyfodol yng ngoleuni gwaith y Cenhadon Cymreig 200 mlynedd yn ôl.
Dyma bennod gyntaf y gyfres olaf, yn canolblwyntio ar heddwch a chyfiawnder. Cawn gyfraniadau gan Arfon Jones, beibl.net sy'n trafod y seiliau Beiblaidd i gyfiawnder a heddwch. Guto Prys ap Gwynfor ac Ysgrifennydd Cyffredinol yr Undeb, Dyfrig Rees sy'n olrhain hanes heddychiaeth yng Nghymru a'i phwysigrwydd i ni heddiw.
Dyma ail bennod y gyfres olaf, sydd yn canolbwyntio ar Gyfiawnder a Heddwch. Yn y bennod hon ceir cyfraniadau gwerthfawr gan y Dr Fiona Gannon o weithgor Economi Bywyd yr Undeb a'r Parchg Gethin Rhys, Cytûn. Mae'r ddau yn trafod pwysigrwydd brwydro dros gyfiawnder a heddwch yn ein cymunedau a'n gwlad, ac er mwyn y greadigaeth.
Pennod olaf cyfres y Ffordd, yn canolbwyntio ar gyfiawnder a heddwch. Yn y bennod hon cawn drafodaeth am ofal, gan ystyried eglwysi Dementia-gyfeillgar, gwaith bugeilio mewn cartrefi gofal, gofalu am yr anghenus o fewn cymdeithas a rôl caplaniaid yn yr Heddlu.
Derbyniwch y newyddion, fideos ac adnoddau diweddaraf.
